Журналистлар уюшмасига янги раҳбар тайинланди

Шуҳрат Орипов Ўзбекистон Журналистлар уюшмаси раиси вазифасини бажарувчи этиб тайинланди.

Бу қарор Журналистлар уюшмаси бошқарувининг йиғилишида қабул қилинди.

У айни вақтда Бизнесни ривожлантириш банки матбуот котиби лавозимида ишлаб келмоқда.

Шуҳрат Орипов меҳнат фаолиятини 1999 йилда журналист сифатида бошлаган ва бир қанча газеталарда фаолият юритган.

Кейинчалик давлат ва жамоат ташкилотларида, шунингдек, ЎзЛиДеп тизимида ахборот сиёсати ва матбуот хизмати йўналишларида фаолият олиб борган.