Eron Ukrainaga zarba berish bilan tahdid qildi

Avvalroq Ukraina prezidenti Volodimir Zelenskiy Eron dronlarini urib tushirish uchun ukrainalik operatorlarni Yaqin Sharqqa yuborishni taklif qilgandi.

Foto: X/Ebrahimazizi33

Isroilning Tehronga qarshi urushida yordam bergani sababli Ukrainaning butun hududi Eron uchun qonuniy nishon hisoblanadi. Eron parlamentining milliy xavfsizlik bo‘yicha komissiyasi raisi Ibrohim Aziziy ana shunday bayonot berdi.

«Inqirozga uchragan Ukraina Isroil rejimiga dronlar bilan yordam ko‘rsatish orqali amalda urushga kirdi va BMT Ustavining 51-moddasiga muvofiq, butun hududini Isroil uchun qonuniy nishonga aylantirdi», — deb yozdi Aziziy X ijtimoiy tarmog‘ida.

Kiyev va Tel-Avivning uchuvchisiz uchadigan qurilmalar sohasida hamkorligi bo‘yicha rasmiy ma’lumot yo‘q. Shu bilan birga, Ukraina prezidenti Volodimir Zelenskiy Eron dronlarini urib tushirish uchun ukrainalik operatorlarni Yaqin Sharqqa yuborishni taklif qilgan.

O‘z navbatida, AQSh prezidenti Donald Tramp Amerika Kiyev yordamiga muhtoj emasligini aytdi.

Uning so‘zlariga ko‘ra, AQSh harbiylari dronlar haqida hammadan ko‘proq bilishadi va bu sohada eng yaxshi texnologiyalarga ega.

Tayyorlagan Дилшодбек Асқаров

#Eron #Ukraina #Isroil

Eron yadro dasturi bo‘yicha muzokaralar rasman tugamay turib, 2026 yil 28 fevral kuni AQSh va Isroil Eron hududiga zarbalar bera boshladi. Prezident Donald Tramp hujumlardan maqsad Tehrondagi rejimni ag‘darish ekanini e’lon qildi.