Dunyoning eng yaxshi universitetlari reytingi e’lon qilindi

Jahon universitetlari reytingi markazi (CWUR) 2026 yil uchun dunyoning eng yaxshi universitetlari reytingini e’lon qildi. Hisobotda 100 ga yaqin mamlakatdan 21 mingdan ortiq universitet faoliyati tahlil qilingan va 2 mingtasi saralab olingan. O‘zbekiston universitetlaridan birortasi top-2000 reytingdan joy olmadi.

CWUR reytingining asosiy xususiyatlari:

Obektivlik: Reytingda so‘rovnomalar yoki universitetlarning o‘zi taqdim etgan ma’lumotlardan foydalanilmaydi. U real natijalarga asoslanadi: ta’lim sifati (25%), bitiruvchilarga bo‘lgan talab (25%), o‘qituvchilar tarkibi sifati (10%) va tadqiqot faoliyati (40%).

Miqyos: Top-2000 (Global 2000) e’lon qilinadi va jami 21 mingdan ortiq oliy ta’lim muassasasi baholanadi.

Ma’lumotlar: Millionlab nashrlar, iqtiboslar, mukofotlar va bitiruvchilarning karera yutuqlari tahlil qilinadi.

CWUR 2026 bo‘yicha dunyoning eng yaxshi 10 ta universiteti:

• Harvard universiteti (AQSh)

• Massachusets texnologiya instituti (MIT) (AQSh)

• Stenford universiteti (AQSh)

• Kembrij universiteti (Buyuk Britaniya)

• Oksford universiteti (Buyuk Britaniya)

• Prinston universiteti (AQSh)

• Pensilvaniya universiteti (AQSh)

• Kolumbiya universiteti (AQSh)

• Yyeyl universiteti (AQSh)

• Chikago universiteti (AQSh).

Reytingda AQSh ustunlik qilmoqda, ammo Buyuk Britaniya, Yaponiya, Kanada, Fransiya, Xitoy va boshqa mamlakatlarning universitetlari ham yuqori o‘rinlarni egallaydi.

O‘zbekiston oliy ta’lim muassasalarining birortasi asosiy mezonlar (tadqiqot faoliyati, iqtiboslar soni, o‘qituvchilar sifati va bitiruvchilarning karera yutuqlari) bo‘yicha bu ro‘yxatga kirmadi.