Pekindagi eng baland binoga yengil motorli samolyot urildi

Xitoy poytaxti Pekindagi eng baland CITIC Tower (China Zun, 528 m, 109 qavatli) osmono‘par binoga kichik samolyot urildi.

Hodisa 26 iyun kuni tushdan keyin sodir bo‘ldi, deb xabar berdi CNN.

Ijtimoiy tarmoqlarda tarqalgan videoda binodan qulab tushayotgan bo‘laklar, samolyotning dum qismi va yerda singan taksi oynasi aks etgan. Odamlar evakuatsiya qilindi, voqea joyida favqulodda xizmatlar ishlamoqda.

Samolyot mahalliy General Aviation kompaniyasiga tegishli Sunward SA 60L Aurora (Xitoyda ishlab chiqarilgan) yengil sport samolyotidir.

Hozircha qurbonlar yoki sabablar (texnik nosozlik, uchuvchi xatosi yoki boshqa narsa) haqida ma’lumot yo‘q.

China Zun - Pekindagi eng baland bino bo‘lib, 2018 yilda qurilgan, shakli qadimiy diniy marosim idishi «tszun»dan ilhomlangan.