Афғонистонда “камикадзе” АҚШ прокуратураси ходимлари кетаётган автобусни портлатиб юборди

Kun.uz: Афғонистон пойтахти Кобулда террорчи “камикадзе” АҚШ бош прокуратураси ходимлари кетаётган автобусни портлатиб юборди. The Daily Mail нашрида келтирилишича, воқеа жойида 1 киши ҳалок бўлган, 15 киши жароҳат олган.

Бош прокурор матбуот котибининг сўзларига қараганда, “бу ҳужумлар террорчиларнинг бегуноҳ ва ҳимоясиз тинч аҳолига нисбатан ниҳоятда шафқатсиз эканлигини яққол кўрсатиб берди”.

Теракт учун жавобгарликни “Толибон” ҳаракати ўз зиммасига олган. Твиттердаги саҳифасида гуруҳ жангарилари 40 киши ўлгани ва яраланганини маълум қилмоқда. Афғонистон ва АҚШ расмийлари бу маълумотни инкор қилмоқда.