Тошкентда товар белгиларининг ҳуқуқий муҳофазасига бағишланган халқаро семинар ўтказилади

2015 йил 12-13 май кунлари Тошкент шаҳридаги Халқаро бизнес марказида Ўзбекистон Интеллектуал мулк агентлиги Бутунжаҳон интеллектуал мулк ташкилоти (БИМТ) билан ҳамкорликда халқаро семинар ўтказади.

Агентлик матбуот хизмати хабарига кўра, халқаро семинар “Товар белгиларининг ҳуқуқий муҳофазаси масалалари ва белгиларни Мадрид тизими бўйича рўйхатдан ўтказиш” мавзуида ўтказилади.