Тошкентда заргарлик буюмлари ва 5 минг доллар пулни ўғирлаб кетган жиноятчи қўлга олинди

Тошкентда заргарлик буюмлари ва 5 минг доллар пулни ўғирлаб кетган жиноятчи қўлга олинди. Бу ҳақда ИИВ матбуот хизмати хабар бермоқда.
“Постда” газетасида келтирилишича, Олмазор туманида яшовчи С. Саиднуриддин Учтепа тумани ИИБга ариза билан мурожаат қилган. У номаълум шахс уйига кириб, 14 турдаги заргарлик буюмлари ва 4 700 АҚШ доллари миқдоридаги пулни ўғирлаб кетганлигини маълум қилган.
Ўтказилган тезкор тадбир натижасида ушбу жиноятни шу туманда яшовчи М. Ўктам содир этгани аниқланган. Жиноятчи қўлга олиниб, жазога тортилган.