Беларусда валюта шартномаларини биржадан ташқари бозорда амалга оширишга рухсат берилди

Беларусь Миллий банки валюта шартномаларини биржадан ташқари бозорда амалга оширишга рухсат берди. Регулятор матбуот хизматининг маълум қилишича, бу борадаги чеклов 2014 йилнинг декабрида жорий қилинган эди.
Шунингдек, ўтган йилнинг охирида Беларусда валюта сотиб олишга 30 фоизлик солиқ жорий қилинган, валюта тушумини мажбурий сотиш меъёри белгиланган ҳамда бир қатор бошқа чекловлар жорий қилинган эди.
Жорий йилнинг бошида Беларусь рубли чорак қисмга девальвация қилинганидан сўнг бу чекловларнинг катта қисми олиб ташланган эди.