Москвада автобус бекатига бола ташлаб кетмоқчи бўлган ўзбекистонлик аёл қўлга олинди

Москвада автобус бекатига бола ташлаб кетмоқчи бўлган ўзбекистонлик аёл қўлга олинди. Бу ҳақда “БалтИнфо” ахборот агентлиги хабар бермоқда.

Аниқланишича, шаҳардаги 4-сонли туғруқ уйи яқинидаги автобус бекатидан янги туғилган қизча топилган. Унинг ёнида туғилганлик ҳақидаги гувоҳнома ҳам бўлган. Орадан 15 дақиқа ўтгач, ҳуқуқ-тартибот ходимлари қизалоқни ташлаб кетган, меҳнат муҳожири бўлган аёлни қўлга олишди.

Суриштирув ишлари давомида маълум бўлишича, қизча 5 май куни 23 ёшли ўзбекистонлик аёл томонидан дунёга келтирилган. Боланинг онаси фарзандини дугонасига ташлаб, ўз юртига кетиб қолган. Дугонаси, ўз навбатида, қизалоқдан қутулиш учун уни бекатда қолдириб кетган.