Бенземанинг агенти Карим ўз фаолиятини “Реал”да якунлашни истаётганини айтди

“Реал” ҳужумчиси Карим Бенземанинг агенти Карим Жазирий ўйинчининг бошқа клубга ўтиши эҳтимолига изоҳ бериб ўтди.

“Бензема ўз шартномасини охиригача етказишни ва фаолиятини Мадридда тугатишни истамоқда.
Мен Лондонда ҳеч ким билан – на “Манчестер Юнайтед” вакили ва на бошқа одам билан учрашдим. Биз “Реал”дан бошқа ҳеч ким билан музокара олиб бормаяпмиз.

Карим Манчестерда нима қилади? У Мадридда ўзини бахтиёр ҳис қилмоқда. У клубни тарк этишни истамаяпти. У клубдан агар унга клубда эҳтиёж сезилмаётгани айтилсагина кетади”, дейди Жазирий.