LG G4 смартфони Ўзбекистонда июлнинг иккинчи ярмида сотувга чиқарилади

LG компаниясининг янги флагман қурилмаси G4 жорий йилнинг июль ойи ўрталарига келиб Ўзбекистонда ҳам сотувга чиқарилади. Бу ҳақда Mobinfo.uz нашри хабар тарқатди.

Манбанинг ёзишича, сотувга қурилманинг оддий иккита SIM-картага мўлжалланган версияси, орқа қисми тўлиқ чарм билан қопланган тури чиқарилади. Қурилманинг чакана нархи қанча бўлиши сотувга яқин маълум бўлади, дейди LG компаниясининг Ўзбекистондаги қўллаб-қувватлаш маркази ходими.

Эслатиб ўтамиз, бошқа телефонлардан ўзининг чарм қопламаси билан ажралиб турадиган мазкур смартфон 5,5 дюйм ва 2560×1440 пикселли экран, 16 мегапикселли асосий ва 8 мегапикселли олд камера, 3 Гб тезкор ва 32 Гб ички хотира (+microSD), 3000 мА/с сиғимли аккумуляторга эга. LG G4 Android 5.1 Lollipop операцион тизимида ишлайди. Унинг ўлчамлари 148,9×76,1×6,3—9,8 мм, оғирлиги 155 граммга тенг.