Европарламент 2018 ва 2022 йилги жаҳон чемпионатлари бошқа давлатларга берилиши эҳтимолини қўллаб-қувватлади

Европарламент ФИФАнинг аудит бўйича комиссияси раҳбари Доменико Скаланинг агар Россия ва Қатар 2018 ва 2022 йилги жаҳон чемпионатларини ўтказиш учун пора бергани ҳолатлари аниқланса, у ҳолда бу мамлакатлар жаҳон чемпионатлари ўтказиш ҳуқуқидан маҳрум этилиши ҳақидаги баёнотини қўллаб-қувватловчи резолюцияни қабул қилди.

Аввалроқ Скала агар Россия ва Қатар томонидан жиддий қоидабузарликларга йўл қўйилгани аниқланса, 2018 ва 2022 йилги жаҳон чемпионатларини ўтказиш ҳуқуқи бошқа давлатларга берилишини маълум қилганди.