Ҳиллари Клинтон ўзининг сайловолди кампанияси доирасида 45 млн доллардан кўпроқ маблағ йиғди

Ҳиллари Клинтон ўзининг твиттердаги аккаунтида АҚШ президенти лавозимига унинг номзодини қўллаб-қувватлаш учун сайловолди кампаниясининг биринчи чорагида қанча маблағ йиғилганини ёзди.

“Ҳанузгача ҳисобламоқдамиз, бироқ мана буни аниқ биламиз: кампаниянинг биринчи чорагида сайловчилар орқали 45 млн доллардан кўпроқ пул тўпланган”, деб ёзмоқда Клинтон.

Клинтон барча хайр-эҳсонларнинг 91 фоизи 100 доллар атрофида бўлганини алоҳида таъкидлаб ўтди.

Аввалроқ Голливуд актёрлари Леонардо ди Каприо ва Тоби Магуайр Ҳиллари Клинтоннинг сайловди кампанияси ҳомийларига айланишгани маълум қилинганди.