Чили Аргентина устидан ғалаба қозониб ўз тарихида илк бор Америка Кубоги соҳибига айланди

Ўйиндан олдин Аргентина терма жамоасининг имкониятлари юқори баҳоланган бўлса ҳам мезбонлар осонликча жон бермоқчи эмаслигини амалга намойиш этдилар. Улар бутун жамоа бўлиб Мессини қўриқлашди ва охир-оқибат мақсадларига эришишди.

Асосий ва қўшимча бўлимларда ҳисоб очилмади. Пенальтилар сериясида эса омад мезбон – Чили терма жамоасига кулиб боқди.

Аргентина терма жамоаси сафида фақатгина Мессининг зарбаси аниқ чиққанини эътироф этмоқ лозим. Шундай қилиб, 4:1 ҳисобида Чили ғалаба қозонди ва ўз тарихида биринчи бор мусобақанинг бош совринини қўлга киритди.

Чили - Аргентина финал учрашувидан фотожамланма

Чили - Аргентина 0:0 (пенальтилар серияси: 4:1)

Стадион: «Эстадио Насьональ».

Пенальтилар серияси: Фернандез - 1:0, Месси - 1:1, Видаль 2:1, Игуаин - 2:1, Арангис - 3:1, Банега - 3:1, Санчес - 4:1.

Чили – Браво, Босежур, Исла, Видаль, Вальдивия (Фернандес, 75), Медель, Арангис, Сильва, Варгас, Санчес, Диас.

Аргентина – Ромеро, Рохо, Отаменди, Демичелис, Сабалета, Биглия, Маскерано, Пасторе (Банега, 81), Ди Мария (Лавесси, 29), Агуэро (Игуаин, 74), Месси.

Огоҳлантиришлар: Сильва (24), Медель (34), Диас (44), Рохо (55), Маскерано (55), Арангис (86).