Саакашвили одессалик божхоначиларни “модель кўринишидаги йигитлар” билан алмаштирмоқчи

Одессанинг янги божхона терминалида модель кўринишидаги ёш йигитлар ишга жойлаштирилади, деб айтди Одесса вилояти губернатори Михаил Саакашвили.

“Барча ҳуқуқ-тартибот муассасалари ходимлари олинади, янги терминал қурилмоқда, у ерда божхоначилардан кўра модель кўринишидаги йигитлар ўтиради”, деб айтди Саакашвили.

Саакашвилининг айтишича, божхона хизматини ўзгартириш учун янги ёндашувлар қўлланади, чунки у ҳозирги аҳволида фаолият юритишга қодир эмас.