“Gangnam Style” қўшиғи ижрочиси PSY Хитойнинг Ханчжоу шаҳрида автоҳалокатга учради

Ўзининг “Gangnam Style” қўшиғи билан бутун дунёга бир зумда машҳур бўлиб кетган жанубий кореялик реп ижрочи Сай (PSY) Хитойнинг Ханчжоу шаҳрида автоҳалокатга учради.

Маҳаллий ОАВларнинг маълум қилишича, қўшиқчига тегишли қизил рангдаги Rolls-Royce автомобили автобус билан тўқнашиб кетган.

Йўл-транспорт ҳодисаси оқибатида ҳеч қим жароҳат олмади, фақатгина қўшиқчи машинасининг олди қисмига шикаст етди.