Ўзбекистонлик спортчи Японияда ўтган қитъа чемпионатида бронза медалини қўлга киритди

Япониянинг Хиросима шаҳрида спорт гимнастикаси бўйича қитъа чемпионати баҳслари бўлиб ўтди. Унда иштирок этган Ўзбекистон вакили Эдуард Шаулов эркин машқ бажаришда шоҳсупанинг учинчи поғонасини эгаллади. Унинг чиқишини ҳакамлар ҳайъати 14,575 балл билан баҳолашган.

Биринчи ва иккинчи ўринлар мезбон гимнастикачиларга насиб этди. Шираи Кензо ва Хаясака Наото олтин ҳамда кумуш медалларига эгалик қилишган.