Швайнштайгер “Манчестер Юнайтед” сафидаги илк ўйинидаги таассуротлари билан ўртоқлашди

“Манчестер Юнайтед”га ўтган германиялик яримҳимоячи Бастиан Швайнштайгер жамоа сафидаги илк расмий учрашувидан олган таассуротлари билан ўртоқлашди. Футболчи Англия Премьер-лигасининг 1-турида “Тоттенхэм”га қарши учрашувнинг 60-дақиқасида Майкл Кэррикнинг ўрнига майдонга тушди.

“Янги мавсумдаги “Олд Траффорд”да қийин учрашувда қўлга киритилган биринчи ғалаба. Мен ҳис-ҳаяжондан тўлиб тошяпман. “Манчестер Юнайтед” мухлислари мени илиқ кутиб олганлари учун уларга катта раҳмат. Сизнинг қўллаб-қувватлашингиз менга жуда қадрли”, деб айди футболчи ўзининг твиттерида.

“Манчестер Юнайтед”–“ Тоттенхэм” учрашувида манкунианликлар 1:0 ҳисобида ғалаба қозондилар. Учрашувдаги ягона тўпни учрашувнинг 22-дақиқасида “Тоттенхэм” ҳимоячиси Кайл Уолкер ўзининг дарвозасига киритиб қўйди.

Кейинги турда “МЮ” меҳмонда 14 августда “Астон Вилла” билан учрашади, “Тоттенхэм” эса ўз майдонида 15 августда “Сток Сити”ни қабул қилади.