Кисловодскда яшовчи киши қўшнисининг машинасини темир-терсакка топшириб юборди

Кисловодскда ўз уйи олдидаги бегона машинани ўғирлаганликда айбланган киши ҳибсга олинди. Бу ҳақда "Блокнот Ставрополь" нашри Ставрополь ўлкаси ИИБга асосланиб, хабар берган.

Маълум қилинишича, 9 август куни ушбу шахс ўзи истиқомат қиладиган кўп қаватли турар жой биноси олдидаги машиналардан бирини темир-терсаклар қабул қилинадиган пунктга олиб бориб, топшириб юборган.

Маҳаллий полиция уни ўша куннинг ўзидаёқ ҳибсга олган. Аниқланишича, у муқаддам судланган шахс ҳисобланади.

Бу ҳодиса ўғрилик сифатида қайд этилиб, тегишли тартибда жиноий иш очилган.