Москвада содир бўлган авиаҳалокатда Арманистоннинг 4 фуқароси қурбон бўлгани айтилди

Арманистон фавқулодда хизматларининг таъкидлашича, Москва вилоятида йирик гидропланнинг қулаши оқибатида 4 нафар арманистонлик ҳалок бўлган. Бу ҳақда “Новости-Армения” агентлиги хабар бермоқда.

“Арманистон қутқарувчилари ҳалок бўлган ватандошларнинг номларини эълон қилди, – дейилади хабарномада. – Булар Эрик (8 ёш) ва Офелия (10 ёш) Гелчянлар ҳамда Лариса (25 ёш) ва Паруйр (26 ёш) Манукянлар”.

Илгарироқ Биринчи канал воқеа жойида бўлган ходимининг ҳалок бўлганини хабар қилган эди.