“Коммерсантъ” асосчиси болаларни Россиядан олиб кетишни тавсия қилди

“Коммерсантъ” матбаа уйи асосчиси, биринчи бош муҳаррири, собиқ бош директори ва хўжайини Владимир Яковлев россияликларга фарзандларининг келажагини таъминлаш учун мамлакатдан чиқиб кетишни тавсия қилди. Бу ҳақда у Facebook’даги саҳифаси ёзув қолдирди.
Яковлев иккита сценарийни тахмин сифатида келтирди: ё ҳокимият алмашади, ёки оғир ижтимоий инқироз бошланади, у эса тақчиллик ва жиноятчиликнинг авж олишини келтириб чиқаради.
“Шунинг учун, ҳазилсиз, имкон бўлса, кетинг, болаларингизни олиб кетинг. Бир умрга эмас, 2-3 ойга, ярим йилга. Лекин кетинг. Бу даврда ҳеч нарса бўлмаса, вазият ўнгланса, адашганимдан фақат хурсанд бўламан”, – деб ёзди у ўз саҳифасида.