Нидерландияда ҳайдовчисиз бошқарилувчи микроавтобуслар пайдо бўлади

Нидерландияга WEpod EZ-10 ҳайдовчисиз электр микроавтобусларининг биринчи партияси етказилди. Бу микроавтобуслар йўловчиларни умумий фойдаланиш йўлларида ташишга мўлжалланган, деб хабар бермоқда IamExpat.nl.

Автобуслар Вагенинген университети кампуси ва Эде-Вагенинген халқаро станцияси орасидаги 11 км масофалик йўлда ҳаракатланади. 

Олти ўриндиқли ушбу микроавтобус 25 км/соат максимал тезликда ҳаракатланиб, юриш захираси 100 км ни ташкил қилади. Автомобиль камера, радар ва GPS-навигаторлар билан жиҳозланади.

Нашрнинг таъкидлашича, бу лойиҳа Нидерландия учун умумий фойдаланиш йўлларидаги илк жамоат транспорти лойиҳаси бўлади. Келгусида мамлакат ҳукумати WEpod EZ-10 учун йўналишларни кенгайтириши мумкин.