Англияда авиашоуда фалокатга учраган самолёт учувчиси омон қолди, бироқ аҳволи жуда оғир

Англиянинг Шорхэм авиашоусида фалокатга учраган самолёт учувчиси омон қолган, бироқ унинг аҳволи жуда оғирлиги айтилмоқда. Бу ҳақда Ғарбий Сассекс графлиги полицияси маълум қилди.

“Шорхэм-бай-Си шаҳрида А-27 автотрассаси устига қулаган Hawker Hunter қирувчи самолёти учувчиси омон қолган, бироқ у жуда оғир аҳволда. Фалокат оқибатида 7 киши ҳалок бўлди”, деб айтилмоқда хабарда. Полиция авиафалокат қурбонлари сони ошиши мумкинлигини айтмоқда.

Авиашоуда учувчи самолётда юқори учувчилик маҳорати кўринишларидан бири – “ўлим тугуни”ни бажараётганда уни охиригача етказишга улгурмай, А-27 трассасида йўлда кетаётган машиналар устига қулаган.

Британ ОАВлари учувчи катапульта қилишга уринмаганини ва фалокат пайтида самолёт кабинасида бўлганини таъкидлашмоқда.