Кениялик йигит террорчилик ташкилотларини молиялаштиргани учун 15 йилга озодликдан маҳрум этилди

Кениялик 27 ёшли Муҳаммад Ҳусайн Саид Майами суди томонидан Африка ва Яқин Шарқдаги террорчилик ташкилотларини молиялаштиришдаги айбига иқрор бўлгандан кейин 15 йилга озодликдан маҳрум этилди, деб хабар бермоқда Reuters ахборот агентлиги.

Ҳусайн Саид “Ал-Қоида”, “Ан-Нусра фронти” ва “Аш-Шабоб” каби террорчилик ташкилотларини моддий қўллаб-қувватлашда айбланмоқда. Айбланувчи уларни молиялаштириш учун умумий ҳисобда 11,6 минг доллар юборган.

Айблов ҳукмида у ўзининг шериги билан террорчилар орасида оммалашган онлайн-чат орқали Сурия президенти Башар Асад ҳукуматини тўнтариб ташламоқчи бўлаётган “Ан-Нусра фронти” (“Жибҳат ан-Нусра”) гуруҳига молиявий кўмак жалб қилгани ва янги жангариларни ёллашда фойдалангани таъкидланмоқда.

Шунингдек, улар Сомали ҳудудида шариат қонунларини ўрнатиш учун курашаётган “Аш-Шабоб” террорчилик гуруҳига пул юборгани ҳам иддао қилинмоқда.