Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Спорт | 21:04 / 03.09.2015
    5280
    3 дақиқада ўқилади

    Ўзбекистон терма жамоаси ЖЧ-2018 саралаши доирасидаги учрашувда Яманни кичик ҳисобда енгди

    Тошкент шаҳридаги "Пахтакор" марказий ўйингоҳида Ўзбекистон терма жамоаси 2018 йилги жаҳон чемпионати учун саралашнинг иккинчи босқичидаги иккинчи ўйинини Яман терма жамоасига қарши ўтказди.

    Ушбу ўйин иккинчи саралаш босқичининг 3 тури ҳисобланиб, Ўзбекистон терма жамоаси биринчи турда дам олганди. Иккинчи тур эса сафарда КХДР термасига қарши ўтказилиб, 2:4 ҳисобидаги мағлубият билан қайтилган эди. Яман эса бунгача ўтказилган икки ўйинда ҳам мағлуб бўлганди. Биринчи тур КХДРга қарши ўтказилган, ўйин яманликларнинг 0:1 ҳисобидаги мағлубияти билан якунланган, лекин кейинчалик жамоага қоидаларни бузгани учун 0:3 ҳисобида техник мағлубият ёзилганди. Иккинчи турда эса Филиппин Яманни 2:0 ҳисобида мағлуб этган.

    Бугунги ўйиннинг биринчи таймида ҳисоб очилмади. Иккинчи таймнинг бошидан Сервер Жепаров ўрнида Александр Гейнрих майдонда ғаракат қила бошлади. Айнан у 51 дақиқада жарима зарбасини голга айлантирди. Унинг голи ўйин охиригача ягоналигини сақлаб қолди.

    Ўйиннинг 82 дақиқасида яманликлар вакили Мудир ал Радеи иккинчи сариқ карточкани олиб майдонни тарк этди.

    Ўзбекистон терма жамоси кейинги ўйинни сафарда Филиппин терма жамоасига қарши ўтказади. Бу ўйин Тошкент вақти билан 8 сентябрь куни, соат 20:00да бошланади.

    ЎЗБЕКИСТОН - ЯМАН 1:0
    Гол: Александр Гейнрих 51, - 1:0.
    Ўзбекистон: 21.Александр Лобанов, 20.Ислом Тўхтахўжаев, 2.Егор Кримец, 5.Анзур Исмоилов, 19.Виталий Денисов, 14.Жавоҳир Соҳибов, 9.Одил Аҳмедов, 10.Сардор Рашидов, 23.Элдор Шомуродов (6.Жасур Ҳасанов, 55), 8.Сервер Жепаров (15.Александр Гейнрих, 46), 11.Игорь Сергеев (17.Санжар Турсунов, 87).

    Яман: 1.Муҳаммад Иброҳим Али Айяш, 3.Муҳаммад Фуад, 4.Мудир Ал Радеи, 5.Абдулмуаин Ал Жарши, 6.Фуад Солиҳ Ал Омаиси (18.Аҳмад Абдуллоҳ Алос, 77), 7.Волид Моҳд Ал Ҳубаиши, 10.Аиман Ал Хагри (16.Ёсир Аҳмад Басуҳаи, 64), 12.Аҳмад Али Ал Хифи, 14.Ҳамада Аҳмад Ал Зубаири, 17.Тавфик Али (21.Аҳмад Абдулҳаким Ал Сарори, 10), 19.Муҳаммад Али Боқшан.
    Огоҳлантиришлар: Жавоҳир Соҳибов 45+3, Мудир Ал Радеи 51,
    Четлатиш: Мудир Ал Радеи 87 (2СК)