24-26 сентябрь кунлари Ёшлар ижод саройида “Таълим ва Карьера” 13-Халқаро кўргазмаси ўтказилади

Жорий йилнинг 24-26 сентябрь кунлари Ёшлар ижод саройида Ўзбекистон Савдо-саноат палатаси, Ўзбекистон Республикаси Олий ва ўрта-махсус таълим вазирлиги, Меҳнат ва аҳолини ижтимоий ҳимоя қилиш вазирлиги, “Камолот” ЁИҲ Марказий Кенгаши, “EXPOCONTACT” МЧЖ томонидан “Таълим ва Карьера” 13-Халқаро Кўргазмаси ўтказилади.

Кўргазмани ташкил этишдан асосий мақсад – ёшларни мамлакатимиз ҳамда хориждаги етакчи олий таълим муассасаларида мавжуд мутахассисликлар билан яқиндан таништириш, юртимизда таълим соҳасида эришилган ютуқларни ёшлар ўртасида кенг тарғиб қилиш, ёшларни таълимнинг кейинги босқичлари билан таништириш, ёшларга мавжуд бўш иш ўринлари тўғрисида маълумотлар бериш ва уларнинг бандлигини таъминлаш ҳамда ўқув юртларини жиҳозлаш учун ишлаб чиқарилган, техник воситалар, ўқув-методологик адабиётлар, таълим муассасаларини замонавий ахборот технологиялари билан таъминлашнинг энг охирги ютуқлари билан таништиришдан иборат.