Ироқ нефть қазиб чиқаришни камайтиришга чақирди

Ироқ ҳукумати нефть компанияларидан 2016 йилда нефть қазиб олишни камайтиришни сўради. Бу ҳақда Ироқ нефть вазирлиги вакили Абдулла Маҳди ал-Омадийга иқтибос келтирган ҳолда Bloomberg агентлиги маълум қилди. 

“Нефть нархининг пасайиши ва давлат даромадларининг камайиши оқибатида компанияларнинг инвестицияларга сарф-харажатларини қоплай олмаяпмиз”, деб айтмоқда амалдор. Унинг айтишича, нефть қазиб олиш бўйича режани 30 сентябргача кўриб чиқиш таклиф қилинди.

Айни кунда Ироқда кунига 3 млн баррель нефть олинади. Ироқ жаҳонда нефть захиралари бўйича 5- ва ОПЕК давлатлари ўртасида 2-ўринни эгаллайди. Халқаро энергетика агентлигининг маълумотларига кўра, Боғдод августда нефть сотишдан камида 4 млрд доллар олди ва бу июлдаги кўрсаткичдан 20 фоиз камроқни ташкил қилган. Шу билан бирга Ироқ ҳукуматининг мамлакатда ишловчи нефть компаниялари олдидаги қарзи 18 млрд долларга етди.