Гавайилик балиқчи ўзини тишлаган наҳангни савалади

Гавайилик балиқчи Брэкстон Роча уни оёғидан тишлаб олган йўлбарс наҳангни гарпун билан савалади. Бу ҳақда АР агентлиги хабар бермоқда.

27 ёшли йигитнинг сўзларига қараганда, у қирғоқ яқинида бир сув ости ғорини кўздан кечираётганида ёнига улкан наҳанг келиб қолганини кўрган.

“Унинг оғзи юзим қаршисида очиқ турарди”, - эслайди у.

У наҳангни итариб юбормоқчи бўлган, лекин денгиз сутэмизувчиси кучлилик қилиб, балиқчининг оёғидан тишлаб олган.

“У менинг оёғимни тишлаб олганида орқага чекиниб, бурнига туширдим. У оёғимни қўйиб юбориб, сузиб кетди”, - дейди Роча.

Балиқчи дўстини чақириб, фавқулодда хизматларга мурожаат қилишнинг уддасидан чиққан. Шундан сўнг воқеа ҳақида видеокамера қаршисида оёғидаги тиш изларини намойиш қилганча гапириб бериб, лавҳани Инстаграмга жойлаштирган.