«Интер» 1966 йилдан буён илк бор мавсумни кетма-кет бешта ғалаба билан бошлади

Миланнинг "Интер” клуби Италия чемпионатининг 5-тур учрашувида “Верона”дан (1:0) устун келди.

Шу тариқа, Роберто Манчини жамоаси дастлабки бешта турда бешта ғалабага эришган ҳолда, 15 очко билан мусобақа жадвалида якка пешқадамлик қилмоқда.

Сўнгги бор “неразуррилар” бундай муваффақиятга 1966/67 йилги мавсумда эришишганди. Ўшанда “Интер” дастлабки етти турнинг барчасида ғалабага эришган, аммо якунда чемпионлик унвонини қўлга кирита олмаган.