АҚШ: Эрон келишувни амалга оширса, унга фақат 50 млрд доллар қайтарилади

Эрон ядровий дастур бўйича келишувни амалга оширганидан сўнг музлатилган ҳисобларида бўлган 50 млрд доллар пулини олиши мумкин бўлади. Бу ҳақда Sun-Sentinel’даги мақоласида АҚШ молия вазирининг террорчилик ва молиявий разведкага қарши кураш бўйича ўринбосари Адам Зубин маълумот берди.

“Айрим танқидчиларнинг таъкидларига терс равишда, Эрон келишув доирасида 150 млрд доллар бонус олмайди. У ўзининг асосий мажбуриятларини бажармагунига қадар ҳеч нарса олмайди, амалга оширса эса, ўзига тегишли 50 млрд долларни олади. Бу пуллар айни пайтда Эрондан ташқаридаги музлатилган ҳисобларда турибди”, - деб ёзади Зубин.

Унинг таъкидлашича, Теҳрон улкан қарзга эга бўлиб, ўз молиявий муаммоларини ҳал қилиш учун унга кўрсатилганидан 10 баробар кўпроқ маблағ керак бўлади.