Лионель Мессининг акаси Аргентинада ноқонуний равишда қурол сақлагани учун ҳибс қилинди

4 октябрь куни Лионель Мессининг катта акаси Матиас Месси Аргентинада ноқонуний равишда қурол сақлаганликда айбланиб, ҳибсга олинди. Маҳаллий нашрлардан бири La Nación`да маълум қилинишича, Матиаснинг машинаси текширилганида ундан револьвер чиққан.

Газетада ёзилишича, аввалига ундан полициячилар ҳужжатларни кўрсатишни сўрашганида, у бундан бош тортган ва полициячиларнинг шубҳасига сабаб бўлган.

Шундан сўнг, Матиас Месси Росарио шаҳридаги полиция маҳкамасига олиб борилган. Бир неча соатдан кейин эса уни гаров эвазига қўйиб юборишган.