Актау шаҳрида эгизак опа-сингил эгизак ака-ука билан турмуш қурди

Қозоғистоннинг Актау шаҳрида истиқомат қилувчи Торебек ва Жолдасбек Толепбергеновлар Асил ва Айим исмли эгизак қизларга уйланишди.

Tengrinews.kz нашри хабарига кўра, уларнинг никоҳ маросими 4 октябрь куни Асил ва Айим Биназарованинг туғилган шаҳри бўлмиш Уральскда бўлиб ўтган.

Маълум бўлишича, ёшлар Уральскда танишишган. Опа-сингиллар дўконга оёқ кийими харид қилиш учун келишганида эгизак йигитларнинг кичиги Жолдасбек билан танишишган.

Ўшанда сотувчи бўлиб ишлаётган Жолдасбек билан гаплашган Айим унинг эгизак акаси борлиги ҳақида билиб олган.