Мэнни Пакьяо ўзбек боксчиларига Дохадаги ЖЧда янги ғалабаларни тилади

Филиппинлик машҳур профессионал боксчи Мэнни Пакьяо Қатар пойтахти Дохха шаҳрида кечаётган бокс бўйича жаҳон чемпионатида Ўзбекистон боксчилари чиқишини юқори баҳолаб, уларга янги ғалабаларни тилади.
Бу ҳақда у делегациямиз раҳбари, Бокс федерацияси раиси ўринбосари Шерзод Тошматов билан учрашувда айтиб ўтди.
Пакьяо мазкур жаҳон чемпионатида фахрий меҳмон сифатида иштирок этмоқда.
Эслатиб ўтамиз, Пакьяо 8та вазн тоифасида жаҳон чемпиони унвонига эга бўлган.