Туркиядаги ЙТҲда 5 нафар қирғизистонлик жабр кўрди

Туркиянинг Кемер шаҳрида содир бўлган йўл-транспорт ҳодисасида Қирғизистоннинг 5 нафар фуқароси жароҳат олди. Бу ҳақда Haberler сайти хабар бермоқда.

Айтилишича, 24 октябрь куни Антальянинг Кемер шаҳрида микроавтобус ағдарилган. Унинг ичида бўлиб, жароҳат олган 12 кишидан 5 нафари қирғизистонликлар эди. Уларнинг бари маҳаллий меҳмонхоналардан бирида ишлар эди.
Жароҳат олганларнинг 2 нафари оғир аҳволда эканлиги айтилмоқда.