KUN.UZ дайжести: 27 октябрь, Ўзбекистон хабарлари

Ҳурматли ўқувчилар, эътиборингизга 27 октябрь куни рўй берган энг асосий янгиликларни такроран ҳавола этамиз.

Буюк Британия Ўзбекистонга янги элчи тайинлади>>

2015 йилнинг 27 октябрь куни Ўзбекистон Республикаси ташқи ишлар вазири Абдулазиз Комилов Буюк Британия ва Шимолий Ирландия Бирлашган Қироллигининг янги тайинланган фавқулодда ва мухтор элчиси Кристофер Алланни қабул қилди.

Ўзбекистон ТИВда Чэнь Шаосин раҳбарлигидаги Хитой делегацияси билан учрашув ўтказилди>>

2015 йилнинг 27 октябрь куни Ўзбекистон Республикаси Ташқи ишлар вазирлигида Умумхитой халқаро дўстликка кўмаклашиш ассоциацияси бош котиби ўринбосари Чэнь Шаосин раҳбарлигидаги делегация билан учрашув бўлиб ўтди.

Ўзбекистонда шакар ишлаб чиқариш ҳажми 1,5 мартага ошди>>

2015 йилнинг дастлабки 9 ойи давомида озиқ-овқат саноатида ишлаб чиқариш ҳажми 10,114 трлн сўмни, ўсиш суръати ўтган йилга нисбатан 116,7 фоизни ташкил этди.

Ўзбекистонга 2015 йили 7 минг япониялик турист ташриф буюрди>>

Япония бош вазири Синдзо Абэнинг Ўзбекистонга ташрифи муносабати билан ташкил этилган бизнес-форумда туризм соҳасидаги ҳамкорлик истиқболлари муҳокама қилинди. Ундан сўнг ўзбекистонлик ва япониялик туроператорларнинг В2В форматида ўтган учрашувида конкрет таклифлар билдирилди.

Ўзбекистонда инфраструктура ривожланишига 54.5 млн доллар ажратилади>>

Ўзбекистон ҳукумати 19 октябрда қабул қилинган қарорида беш йиллик муддатда миллий инфраструктурани ривожлантириш дастурини тасдиқлади. Унга кўра, 2020 йилга қадар мамлакатда бу йўналишга 54.5 млн доллар ажратилади.

ФВВ: Тошкентдаги зилзила магнитудаси 5 баллни ташкил қилди>>

Ўзбекистон Фавқулодда вазиятлар вазирлиги ўз сайтида кеча, 26 октябрь куни содир бўлган зилзила ҳақида расмий ахборот эълон қилди. Унга кўра, Тошкентда зилзила магнитудаси 5 баллни ташкил қилган.

Ўзбекистонликлар 26 октябрь кунги зилзила вақтида ваҳимага тушишмади>>

26 октябрь куни Афғонистон ҳудудида жойлашган Ҳиндикуш тоғларида Тошкент вақти билан соат 14:09да 7,5 магнитудали зилзила юз берди. Ер силкиниши кучи Ҳиндистон пойтахтидан тортиб, Россиянинг Новосибирск шаҳрига қадар сезилган.

"Ўзэкспомарказ"да IХ Халқаро саноат ярмаркаси ва кооперацион биржаси ўз ишини бошлади>>

26 октябрь куни “Ўзэкспомарказ” 6та кўргазма зали, 2та атриум, очиқ майдончалар ва конференция залларида IХ Халқаро саноат ярмаркаси ва кооперацион биржаси очилди.

Ўзбекистон Африкадаги давлатларга енгил автомобилларни экспорт қилмоқда>>

Ўзбекистон Африка ва Жанубий Американинг илгари савдо муносабатлари ўрнатилмаган 13 давлатига енгил автомобилларни экспорт қилмоқда.

Марказий банк қайта молиялаш ставкасини йиллик 9 фоиз даражада сақлаб қолди>>

Ўзбекистон Республикаси Марказий банки Бошқаруви Марказий банкнинг қайта молиялаш ставкасини йиллик 9 фоиз даражада сақлаб қолиш тўғрисида қарор қабул қилди. Бу ҳақда банк матбуот хизмати хабар берди.

Латвия Ўзбекистондан келаётган импорт товарлари сонини оширади>>

Uzbekistan Trading House (Латвия) раҳбари Андрей Колупаев Ўзбекистондан импорт қилинаётган товарлар номенклатураси кенгайтирилиши ҳақида ахборот берди. Унинг сўзларига қараганда, Ўзбекистоннинг қишлоқ хўжалиги маҳсулотларига бўлган қизиқиш жуда юқорилигича сақланиб қолмоқда.

Ўзбекистонда 1 ноябрда қор ёғиши мумкин>>

27 октябрь-1 ноябр кунлари Ўзбекистонда ҳаво ўзгариб, айрим жойларда ёмғир қорга айланиши мумкин. Бу ҳақда Ўзбекистон Гидрометеорологиа хизмати маркази хабар қилди.

2016 йилдан Ўзбекистонда MAN автобуслари серияли ишлаб чиқарилади>>

2016 йилнинг февраль ойидан JV MAN Auto-Uzbekistan Ўзбекистон-Германия қўшма корхонасида паст полли “MAN A 22” шаҳар автобуслари серияли тарзда ишлаб чиқарила бошланади. Бу ҳақда Тошкентда бўлиб ўтаётган IX Халқаро саноат ярмаркаси ва Кооперация биржаси доирасида ташкил этилган “Ўзавтосаноат” АК корхоналарида автомобиллар учун эҳтиёт қисмларни маҳаллийлаштириш” ихтисослаштирилган кўргазма-конференциясида JV MAN Auto-Uzbekistan вакили Ойбек Аюпов маълум қилди.

Euronews телеканалида Фарғона ҳақида кўрсатув эфирга узатилади>>

Euronews телеканали ижодкорлари Фарғона вилоятининг Марғилон ва Риштон туманларида тасвирга олиш ишларини олиб боришди.

Ўзбекистонда “сариқ лампочка”лардан фойдаланиш тақиқланади>>

2016 йил 1 июлидан Ўзбекистонда қуввати 40 Втдан ортиқ бўлган чўғлама лампаларни ишлаб чиқариш, 2017 йил 1 январидан эса улардан фойдаланиш тўхтатилади. Истисно ҳолатлар фақатгина шу турдаги лампалардан фойдаланиш талаб қилинган алоҳида вазиятлар, масалан, технологик ускуналар, моторли транспорт воситалари, тиббиёт ва бошқа ихтисослашган қурилмалар учун тегишли бўлади.