Лос-Анжелес полицияси Квентин Тарантино фильмлари бойкотига қўшилди

Лос-Анжелес полицияси касаба уюшмаси Нью-Йорк патруль полицияси бошлаган Квентин Тарантино фильмлари бойкотига қўшилди. Бу ҳақда Deadline портали хабар бермоқда.
“Биз полиция ва фуқаролар ўртасидаги конструктив диалогни тўлиқ қўллаб-қувватлаймиз.

Аммо вазиятни кескинлаштириш керак эмас – у полициячиларни улар бўлганидан кўра ҳам каттароқ нишонга айлантирмоқда. Кинорежиссёр Квентин Тарантино Нью-Йоркдаги аксилполиция маршида бизни қотиллар деб атагани учун жавоб бериши лозим”, - деб таъкидлади ташкилот вакилларидан бири.

Эслатиб ўтамиз, Тарантино 24 октябрь куни полиция ўзбошимчалигига қарши ўтказилган #RiseUpOctober акциясида иштирок этди.
“Мен қотилликни кўрсам, жим тура олмайман. Мен қурбонлар тарафида эканлигимни айтиш учун бу ердаман”, - таъкидлади у митинг чоғида.