Google кўчадаги билбордларда “ақлли” рекламани ишга туширди

Google компанияси Лондоннинг кўча билбордларида (кўча рекламаси учун мўлжалланган мосламалар)  DoubleClick релевант реклама технологияларини синовдан ўтказишни бошлади, хеб хабар бермоқда Business Insider нашри. 

Технология турли маълумотларни, мисол учун об-ҳаво шароити, ўтказилиши режалаштирилган тадбирлар ёки йўлдаги вазият бўйича маълумотларни билдбордларда энг релевант (вазиятга мос) рекламани кўрсатиш учун йиғади. Аввал DoubleClick деб номланган бу технология интернет-сайтларда ишлатилган.  

Google’нинг асосий ғояси шундан иборатки, технология реклама берувчиларга релевант офлайн-рекламанинг самарадорлигини кўрсатишга имкон беради. Ҳозирча DoubleClick билбордларда фақатгина синов режимида ишлайди, бунинг учун компания қандай брендларни куннинг қайси пайтида реклама қилишни аниқлаш мақсадида Лондоннинг турли нуқталарида реклама жойлаштиради.