Бельгияда Париждаги терактни тайёрлашда иштирок этганликда гумон қилинган шахс қўлга олинди

Бельгия ҳуқуқни муҳофаза қилиш органлари томонидан Париждаги терактларни тергов қилиш жараёнида гумондорлардан бири қўлга олинди, дея хабар бермоқда RBTF.

Сўнгги соатларда Брюсселнинг чекка туманлари, асосан Жетт ва Моленбекда олти маротаба тинтувлар ўтказилди.

Қўлга олинган шахс Франция фуқароси бўлиб, 1995 йилда туғилган. Тахминларга кўра, у Сурияда ИШИД жангарилари сафида жанг олиб борган.

Эслатиб ўтамиз, 13 ноябрь оқшомида Парижнинг бир қанча округларида терактлар уюштирилди ва бунинг оқибатида 129 нафар киши нобуд бўлди, жароҳат олганлардан 99 кишининг аҳволи анча оғирлиги маълум қилинди.