Range Rover Sport SVR автомобили музлаган кўл устида синовдан ўтказилди

Land Rover компанияси ўзининг Range Rover Sport SVR йўлтанламас модели реклама ролигини намойиш этди. Роликда машина Швециядаги музлаган кўл устида ҳаракатланмоқда. Бунинг учун муз усти унинг кўрсаткичлари Британиядаги “Сильверстоун” трекининг кўрсаткичларини такорлайдиган тарзда тозалаб чиқилди.

Автомобилни Jaguar Land Rover концерни аёл инструктори, ралли бўйича жаҳон чемпионатининг собиқ иштирокчиси Минна Силланкорва бошқарди. Автомобилнинг йўловчи ўриндиғидан Land Rover маркасининг элчиси ва қутбчи Бен Сондерс ўрин олди.

Range Rover Sport SVR британ маркаси моделлар қаторидаги энг қувватли йўлтанламас бўлиб, 2014 йилнинг августида илк бор намойиш қилинган. Машина заводнинг тюнинг-ательеси Jaguar Land Rover – Special Vehicle Operations томонидан ишлаб чиқарилган биринчи модель бўлди.

Автомобилнинг капоти остида 5 литрли, 550 от кучига эга V8 ли бензин мотор жойлашган. У 8 поғонали “автомат” узатмалар қутиси билан жуфтликда 2,3 тоннали йўлтанламасни соатига 0 км дан 100 км тезликкача 4,7 сонияда тезлаштира олади.

Автомобиль Германиядаги “Нюрбургринг” трассасини 8 дақиқа 14 сонияда босиб ўтди ва ушбу трекнинг энг тез юрувчи йўлтанламасига айланди. Ушбу трассани 7 дақиқа 57,74 сонияда босиб ўтган Porsche Cayenne Turbo S моделигина йўлтанламасдан тезроқ бўлган.