Бундестаг ўз ҳарбийларини Сурияга юборадиган бўлди

Германия парламенти мамлакат ҳарбий хизматчиларининг ИШИД террорчи гуруҳига қарши операцияда иштирок этишига рухсат берди. 598 депутатдан 445 нафари розилигини билдирди, 146 нафари эса бундай фикрга қўшилмади. 7 депутат фикр билдирмади.

1 декабрь куни Германия ҳукумати мамлакат ҳарбий кучларининг аксилтеррор миссиясида иштирок этишини тасдиқлаган эди. Сурия ва Ироқдаги операцияларда иштирок этиши мумкин бўлган ҳарбий хизматчиларнинг максимал миқдори 1.2 минг кишини ташкил қилади.