Сўровнома иштирокчилари Библиядан олинган иқтибосларни Қуръонга алоқадор деб ўйлаб, уни танқид қилишди

6 декабрь куни икки голландиялик фаол томонидан YouTube сервисига жойлаштирилган видеоролик қизиқ социологик экспериментни акс эттирди. Шу боис қисқа вақт ичида у кўп маротаба томоша қилиниб, ижтимоий тармоқларда муайян муҳокамаларга сабаб бўлди.

Ролик муаллифлари Библия китобини олиб, унга Қуръоннинг муқовасини кийдиришди. Шундан сўнг у кўчада учраган тасодифий одамларга яқинлашиб, Қуръондан иқтибос келтирилишини айтишди ҳамда бу иқтибослар юзасидан респондентларнинг фикрларини сўрашди. Иштирокчилар қуйидаги иқтибослар билан таништирилди: “Аёл сукутни ўргансин, бўйсунишни ўргансин, ўргатишни эса аёлга рухсат этмайман, эри устидан ҳукм қилмасин, сукутда бўлсин” (Тимофейга иккинчи фурсоний, 2:11); “Кимда ким эркак билан аёл билан ётгандай ётса, уларнинг иккаласи ҳам жирканч ишга қўл уришди: улар ўлимга маҳкумдир” (Левит, 20:13).

Сўровномада иштирок этаётганлар бундай сўзлардан ғазабланиб, исломнинг ғайриинсонийлигини, агрессивлигини эътироф этишди. Мана шу сўзлардан сўнг муаллифлар китобнинг муқовасини ечиб, иқтибос аслида Библиядан келтирилганини кўрсатишди. Қуръон ҳақида фикр билдирган иштирокчилар ноқулай вазиятга тушиб қолишди.