Европа Иттифоқи Air Astana’ни ишончсиз авиакомпаниялар рўйхатидан чиқариб ташлади

Европа Иттифоқи Қозоғистоннинг Air Astana’ авиакомпаниясини ишончсиз авиакомпаниялар рўйхатидан чиқариб ташлади. Бу ҳақда Еврокомиссия вакили Маргаритис Схинас маълум қилди.

“Еврокомиссия бугун ишончсиз авиаташувчилар Европа рўйхатини тўлдирди. Бугунги кундан ундан Қозоғистоннинг Air Astana авиакомпанияси чиқарилди ва Ироқнинг Iraqi Airways миллий авиакомпанияси киритилди”, деб айтди Схинас.

Ушбу қора рўйхатга киритилган авиакомпанияларга Европа Иттифоқи давлатларига парвозлар амалга ошириш ман қилинади.