Туркия полицияси Истанбулдаги Россия бош консуллигида қўриқловни кучайтирди

Истанбул полицияси шаҳар марказидаги Россия бош консуллиги биноси қўриқловини кучайтирувчи қўшимча чора-тадбирларни амалга оширди. Бу ҳақда РИА “Новости” хабар бермоқда.

Маълум қилинишича, консуллик биноси жойлашган “Истиқлол” кўчасида кучайтирилган полиция гуруҳи ишламоқда ҳамда у ерда бир қанча полиция автобуслари жой олган.

Аввалроқ АҚШ марказий разведка бошқармаси Туркияга мамлакатда рус сайёҳларига қарши терактга тайёргарлик кўрилаётгани ҳақидаги разведка маълумотларини тақдим этгани тўғрисида хабар қилинган эди.