14 декабрь кунидан Яман ҳукумати билан ҳусийчилар ўртасида тинчлик сулҳига амал қилина бошлайди

Ҳусийчилар 14 декабрь кунидан бошлаб Яман ҳукумати билан тузилган тинчлик сулҳига амал қилишларини билдирди. Бу ҳақда Рейтер агентлиги хабар берди.

Бундан олдинроқ, Яман президенти икки томон ўртасида ўт очишни тўхтатиш ва музокаралар столи атрофида йиғилиш таклифи билан чиққанди.

Яман президенти ноябрь ойида мамлакатга қайтиб келганди. Унинг қайтиши арафасида Адан шаҳри исёнчи ҳусийчилар қўлидан буткул озод қилинган ва бу шаҳар ҳозирда Яман пойтахти вазифасини бажариб турибди.