Афғонистон полицияси мамлакат пойтахтидаги жангарилар йўқ қилинганини маълум қилди

Афғонистон полицияси Қобулда жойлашган Испания элчихонасидан унча узоқ бўлмаган уйга ҳужум қилган жангариларнинг барчаси йўқ қилингани ҳақида маълум қилди.

“Қобул терактида иштирок этган барча жангарилар афғон махсус қўшинлари томонидан йўқ қилинди”, — деб маълум қилди мамлакат ИИВ матбуот котиби ўз твиттерида.

Хавфсизлик кучлари ва жангарилар ўртасидаги отишма бир неча соат давом этган.