Путин ИШИДни “иккинчи даражали нарса” деб баҳолади

Россия президенти Владимир Путин бугун, 17 декабрь куни, ОАВ вакиллари иштирокида катта матбуот анжумани ўтказмоқда. Қарийб 1 400 журналист иштирокидаги тадбир Халқаро савдо марказида бўлиб ўтмоқда.

ИШИД гуруҳи билан боғлиқ саволга жавоб бераркан, Путин уни “иккинчи даражали нарса” деб атади.
“Назаримда, ИШИД иккинчи даражали нарсадир. Ироққа киришди – мамлакатни вайрон қилишди, яхшими, ёмонми, муҳим эмас. Нефть савдоси билан боғлиқ унсурлар юзага келди. Вазият йиллар давомида бу аҳволга келди.

Бизнес, контрабанда. Буни ҳимоя қилиш учун ҳарбий куч керак бўлди”, - деб таъкидлади у.
Унинг фикрича, иқтисодий манфаатлар билан боғлиқ ишларни ниқоблаш учун “ислом омили”га мурожаат қилинган, бу эса кўплаб одамларни ўзига жалб қилган. Шу тариқа гуруҳнинг ўзи юзага келган.