Украиналик собиқ футболчи Андрей Шевченко Украина терма жамоаси штабидаги ва “Челси”даги лавозимдан бирини танламоқда

Украиналик машҳур собиқ футболчи Андрей Шевченко ўз келажаги борасида бир тўхтамга кела олмаяпти.

Шевченкога Евро-2016 га тайёргарликни бошлаб юборган Украина терма жамоаси мураббийлик штабидан ўрин таклиф қилишди, бироқ у шунингдек “Челси” раҳбариятидан ўрин олиш ҳақида ҳам таклиф олди, деб хабар бермоқда “Футбол 24” нашри.

Унинг терма жамоага тайинланиши 7-10 кундан кейин расман эълон қилиниши мумкин.

Аввалроқ Украина терма жамоаси етакчи ўйинчилари Шевченконинг бош мураббий этиб тайинланишига қарши чиққанлари ва терма жамоанинг амалдаги бош мураббийи Михаил Фоменкони қўллаб-қувватлашгани ҳақида маълумот пайдо бўлганди.

Ҳозирча шуниси маълумки, Фоменко Украина терма жамоаси билан ишлашни давом эттираверади.