Сербияда суперкар ва йўлтанламас автомобиллар ишлаб чиқарувчи компания ташкил этилмоқда

Сербияда ихчам машиналар, суперкар ва йўлтанламас автомобиллар ишлаб чиқаришни мўлжаллаётган янги Aqos компанияси ташкил этилди. Тахминларча, янги автомобиль маркасининг илк модели Женева автосалонида намойиш қилинади. Бу ҳақда Auto Motor und Sport хабар бермоқда.

Aqos’га аввал баъзи йирик автомобилсозлик компанияларида ишлаган дизайнер Саша Милованшевич асос солди. Компанияга германиялик, британиялик ва италиялик мутахассислар ҳамда Белград университети ходимлари ишга таклиф қилинган.

Кутилишича, янги компания еттита модель: Aqos 25 компакт-кари, уч эшикли Vale 45 хэтчбеки, Zulu 60 спорткупеси, Aqos Fastback модели, икки ўриндиқли Aqos Javier спорткари, Peja 4XL Off Road йўлтанламаси ҳамда флагман модели – PM суперкарини ишлаб чиқаришни режалаштирмоқда.