Сирдарёда 1 млн сўм ўғирлаган йигит пулни бир кунда базму-жамшидга сарфлади

Сирдарёнинг Янгиер шаҳрида истиқомат қилувчи Фозил исмли йигит ўғрилик йўли билан топилган пулларни бир кунда ишлатиб юборди. Бу ҳақда “Постда” нашри ёзмоқда.

Айтилишича, бир куни у бозор яқинида қолдирилган машина ичида бир тахлам пулни кўриб қолган. Бир муддат тараддудланиб, пулларни ўғирлаган, сўнг танишлари Азиз ва Шавкатга учраган. Учовлон қўлга киритилган 1 125 000 сўм пулни бир кунда ишлатиб юборишган.

Бу вақт эса ҳуқуқ-тартиботчилар тегишли тафтишларни ўтказиб, жиноятчини аниқлаганлар ва қўлга олганлар. Тез кунда қўлга тушган Фозил жиноий жавбогарликка тортилган.