Қозоғистон ва Озарбайжон миллий валюталари қадрсизланиши бўйича 2015 йилда етакчи бўлди

2015 йил натижаларига кўра, Озарбайжон манати, Қозоғистон тенгеси ва Замбия квачаси девальвация (миллий валютанинг бошқа валюталар ёки олтинга нисбатан қадрсизланиши) бўйича учта етакчи бўлди, деб хабар бермоқда Bloomberg ахборот агентлиги. Бу миллий валюталар мос равишда 50 фоиз, 47 фоиз ва 42 фоизга қадрсизланган.

Энг заиф миллий валюталар бешталигига, шунингдек, Беларусь рубли ва Аргентина песоси кирди. Ушбу рўйхатда 7-ўринни Украина гривнаси эгаллади. Гривна кетма-кет иккинчи йил бу рўйхатдан жой олмоқда.